Það var ekki búist við sérlega miklu af Diaz en hann gerði frábæra hluti með Kólumbíu þar sem hann skoraði fjögur mörk í fimm leikjum á mótinu.

Það nægði þó ekki til að koma Kólumbíu í úrslitaleikinn, liðið datt úr keppni í undanúrslitum eftir vítaspyrnukeppni gegn Argentínu. Diaz skoraði eina mark Kólumbíu í jafnteflinu gegn Argentínu og svo skoraði hann tvennu í 3-2 sigri á Perú í úrslitaleiknum um bronsverðlaunin.

Hinn 24 ára gamli Diaz var markahæsti leikmaður mótsins ásamt Lionel Messi sem leiddi Argentínu til langþráðs titils.

Messi og Neymar voru báðir valdir sem besti leikmaður mótsins fyrir úrslitaleikinn en Diaz er eini kólumbíski leikmaðurinn sem var valinn í lið mótsins.

Diaz hefur skorað 25 mörk í 97 leikjum á tveimur árum hjá Porto.