Brendan Rodgers, knattspyrnustjóri Celtic sagði fyrir leik að hann væri leiður og að hann hafi ákveðið að setja trú sína á leikmenn sem vilja vera hjá félaginu.

Boyata svaraði fyrir sig með því að gera myndband af honum í meðferð við meiðslum. Þar segist hann því miður ekki hafa getað spilað þar sem hann sé ekki 100% heill.

Celtic hafnaði tilboði Fulham í leikmanninn í síðustu viku, rétt áður en félagskiptaglugginn lokaði á Englandi. Haft var eftir umboðsmanni leikmannsins að hann gæti ekki tekið neinar áhættur ef hann væri ekki 100% heill og spilað þar sem Boyata sé á síðasta ári samnings síns.

Boyata spilaði nokkuð stórt hlutverk í landsliði Belgíu sem komst í undanúrslit á heimsmeistaramótinu í sumar og vakti athygli fjölmargra liða í kjölfarið.