Ítalskir fjölmiðlar greina frá því að Ítalíumeistarar Juventus ætli hvorki að lána né selja Moise Kean í sumar.
Kean var aðeins 16 ára gamall þegar hann spilaði sinn fyrsta Serie A leik fyrir Juve og nokkrum mánuðum síðar fékk hann að spreyta sig í Meistaradeildinni.
Kean skoraði eitt mark í fjórum leikjum fyrir Juve og var lánaður til Verona tímabilið eftir. Þar gerði hann fjögur mörk í 19 leikjum.
Nú er Kean orðinn 18 ára gamall og vilja félög á borð við Marseille, Nice og Borussia Dortmund fá hann til sín en Juve neitar að láta hann frá sér.
Sport Mediaset og SportItalia segja Juve vilja halda Kean þar til í janúar hið minnsta.
Athugasemdir
