Lestu um leikinn: Þróttur R. 3 -  4 Þór

„Þetta var mjög opinn leikur, fyrri hálfleikurinn var þannig að liðin skiptust á að sækja en kannski Þórsarar ögn sterkari en við gerðum vel að jafna leikinn og í seinni hálfleik byrjum við frábærlega. Það er bara eitt lið á vellinum við sköpum okkur fjögur ef ekki fimm dauðafæri. Það á að duga til að komast yfir, 3-2, en svo ganga þeir á lagið og skora 3-2 og 4-2. Markið hans Viktors í lokin kemur því miður of seint," sagði Gunnlaugur.

Gunnlaugur er viss um að leikurinn hefði þróast öðruvísi ef að hans menn hefðu nýtt einhver þeirra dauðafæri sem þeir fengu í seinni hálfleiknum.

„Ég er viss um að ef við hefðum nýtt einhver af þessum dauðafærum sem við fengum hefði þessi leikur þróast öðruvísi og við hefðum gengið á lagið."

Gunnlaugur segir framtíðina góða í Laugardalnum.

„Þetta er góð framtíð og sterkt lið í mótun"

Viðtalið í heild sinni má sjá í sjónvarpinu hér að ofan.