Maurizio Sarri, knattspyrnustjóri Chelsea, segir Eden Hazard, leikmann liðsins, geta orðið þann besta í Evrópu eftir tvö ár.
„Hann getur kannski orðið besti leikmaðurinn í Evrópu á næstu tveimur árum," sagði Sarri í viðtali við Sky Sports eftir leikinn.
„Hann mun bæta sig með því að eyða minni tíma langt frá markinu."
Hazard gerði þrennu í 4-1 sigri Chelsea gegn Cardiff í dag.
Leikmaðurinn var mikið orðaður frá félaginu í sumar og var Real Madrid talinn líklegasti áfangastaðurinn en Belginn ákvað að halda tryggð við félagið sem hann hefur verið hjá síðan árið 2012.
Athugasemdir