Landsliðsmaðurinn Rúrik Gíslason byrjaði á bekknum þegar Sandhausen mætti Darmstadt 98 í þýsku B-deildinni í dag.
Sandhausen komst yfir í upphafi seinni hálfleiks en Rúrik kom inn á stuttu síðar, á 54. mínútu.
Sandhausen virtist ætla að taka sigurinn, sinn fyrsta sigur á tímabilinu, þangað til komið var fram í uppbótartíma en þá jöfnuðu heimamenn Í Darmstadt.
Gífurlega svekkjandi fyrir Rúrik og félaga sem eru aðeins með tvö stig eftir fyrstu fimm leiki tímabilsins. Liðið er í 16. sæti af 18 liðum.
Rúrik var í íslenska landsliðshópnum sem mætti Sviss og Belgíu í Þjóðadeildinni. Niðurstaðan gegn Sviss var 6-0 tap í leik sem Rúrik byrjaði. Leikurinn gegn Belgíu tapaðist 3-0 á Laugardalsvelli, fyrsti tapleikurinn í mótsleik á Laugardalsvelli í fimm ár.
Athugasemdir