Sean Dyche, stjóri Burnley, staðfesti á fréttamannafundi í dag að Jóhann Berg Guðmundsson verði líklega klár í slaginn þegar liðið heimsækir WBA í ensku úrvalsdeildinni á mánudaginn.

Jóhann Berg spilaði með Íslandi gegn Rúmeníu í síðustu viku en hann var síðan hvíldur gegn Dönum á sunnudag vegna smávægilegra meiðsla á nára.

Á mánudaginn fór Jóhann Berg aftur til Englands og Dyche er bjartsýnn á að hann verði klár fyrir leikinn gegn WBA.