Christian Eriksen og Simon Kjær spiluðu báðir sinn 100. landsleik fyrir Danmörku í gær þegar liðið spilaði við England á Wembley í Þjóðadeildinni.
Kjær er 31 árs varnarmaður og fyrirliði danska liðsins. Eriksen er 28 ára miðjumaður.
Þeir spiluðu báðir 99. landsleikinn í 3-0 sigri á Íslandi þar sem Eriksen var á skotskónum og Kjær átti mikinn þátt í fyrsta markinu, sem var þó umdeilt í ljósi þess að erfitt var að sjá hvort allur boltinn hefði farið inn.
Eriksen er yngsti leikmaðurinn í sögu danska landsliðsins til að spila 100 leiki og Kjær sá næstyngsti. Leikjahæsti leikmaður Danmerkur er Peter Schmeichel sem spilaði 129 landsleiki.
Það hefur aðeins einn leikmaður spilað 100 landsleiki fyrir Ísland, en það er Rúnar Kristinsson sem spilaði 104 landsleiki. Ragnar Sigurðsson er næst leikjahæstur og hefur spilað 96 landsleiki.
🇩🇰 Christian Eriksen & Simon Kjær will win their 100th caps tonight 👏
— UEFA Nations League (@EURO2020) October 14, 2020
ℹ️ Eriksen will be the youngest member of club 100 - 28 years and 243 days old. Kjær will be the second youngest to join the club aged 31 years and 202 days.#NationsLeague https://t.co/UF08rTXEXW
Athugasemdir