Miðjumaðurinn Axel Witsel er í byrjunarliði Belgíu gegn Íslandi.
Witsel nær merkilegum áfanga í kvöld, hann er að spila sinn 100. landsleik fyrir belgíska landsliðið.
Hann er aðeins annar leikmaðurinn í sögu belgíska landsliðsins sem nær þessum áfanga. Hinn leikmaðurinn er Jan Vertonghen, varnarmaður Tottenham. Hann á 110 landsleiki.
Witsel er hluti af gullkynslóð Belgíu. Hann er aðeins 29 ára og á því nóg eftir. Hann spilar með Borussia Dortmund, toppliðinu í Þýskalandi.
Leikmenn eins og Eden Hazard, Marouane Fellaini, Toby Alderweireld og Vincent Kompany eru ekki langt frá því að komast í 100 leikja klúbbinn með Witsel og Vertonghen.
Leikur Belgíu og Íslands hefst klukkan 19:45. Fylgstu með leiknum í Beinni textalýsingu á Fótbolta.net.
Hér að neðan er myndband úr fyrsta leiknum hans árið 2008.
🎥 @axelwitsel28 first cap was in 2008 !
— Belgian Red Devils (@BelRedDevils) November 14, 2018
Nr. 1⃣0⃣0⃣ tomorrow ? 😊🎉
Don't miss it 😉
Get your tickets !
🎫 👉 https://t.co/xgvqgq2WIn#REDTOGETHER 🇧🇪#NationsLeague#BELISL pic.twitter.com/EfwKvmWZ9y
Athugasemdir