Alexandre Lacazette, framherji Arsenal, segir að leikmannahópur Arsenal standi á bak við knattspyrnustjórann Unai Emery.
Arsenal hefur byrjað leiktíðina afar illa en liðið er í sjötta sæti ensku úrvalsdeildarinnar með 17 stig, 17 stigum á eftir toppliði Liverpool. Liðið hefur ekki unnið deildarleik síðan 6. október
Stuðningsmenn Arsenal eru allt annað en sáttir með spilamennskuna undir stjórn Emery og hafa gagnrýnisraddirnar verið að hækka.
Þó hefur verið sagt að Emery verði ekki rekinn og Lacazette segir að búningsklefinn sé á bak við Spánverjann.
„Hópurnn styður klárlega stjórann og ég er viss um að félagið gerir það líka," sagði Lacazette við heimasíðu Arsenal.
„Við erum mjög þéttur hópur og við erum að gera allt til að bæta okkur."
Næsti leikur Arsenal eftir landsleikjahlé verður gegn Southampton eftir landsleikjahlé.
Athugasemdir