Hann var lánaður frá Valencia til Inter á síðasta tímabili og gerði mjög góða hluti þar, það góða að Ítalíumeistarar Juventus stálu honum eftir tímabilið og borguðu rúmlega 40 milljónir evra fyrir.

Cancelo er fjölhæfur og getur einnig leikið sem vinstri bakvörður og hægri kantmaður. Hann þykir sérstaklega hættulegur sóknarlega enda snöggur, teknískur og með góða löpp.

Cancelo meiddist fyrir tapleik Juve gegn Young Boys í Meistaradeildinni og gekkst hann undir vel heppnaða aðgerð á hægra hné í gær.

Kantmaðurinn Juan Cuadrado, sem getur líka leikið sem bakvörður, gæti einnig þurft að gangast undir smávægilega aðgerð í næstu viku.