Fyrir leikinn bjuggust einhverjir við þægilegum sigri Milan en annað kom á daginn.

Markalaust var í hálfleik og það var ekki fyrr en á 77. mínútu sem að það dró til tíðinda. Inter fékk hornspyrnu og þegar boltinn lenti inni í teig virtist Seko Fofana, leikmaður Udinese handleika boltann.

Rosario Abisso, dómari leiksins og hans aðstoðarmenn virtust ekki sjá atvikið og það var ekki fyrr en nokkru síðar sem að hann fékk skilaboð í eyrað að hann þyrfti að skoða atvikið betur.

Abisso horfði á atvikið og dæmdi vítaspyrnu. Mauro Icardi fór á punktinn og tryggði Inter stigin þrjú.

Juventus og Torino mætast í síðari leik kvöldsins en flautað verður til leiks þar klukkan 19:30.