Knattspyrnustjórinn Neil Warnock hefur staðfest áhuga Cardiff á hægri bakverðinum Nathaniel Clyne.
Eftir að hafa átt hægri bakvarðarstöðuna hjá Liverpool 2015/2016 og 2016/2017 þá hefur Nathaniel Clyne nánast alveg horfið af sjónarsviðinu.
Clyne hefur verið mikið meiddur en hann spilaði einungis þrjá leiki í ensku úrvalsdeildinni á síðasta tímabili og í vetur hefur hann ekkert komið við sögu í deildinni.
Sjá einnig:
Hvar er Nathaniel Clyne?
„Ég þekki Nathaniel vel, hann lék sinn fyrsta aðalliðsleik undir minni stjórn," sagði Warnock fyrir leik Cardiff gegn Watford.
„Hann er á óskalistanum okkar. Við erum að reyna að styrkja hægri bakvarðarstöðuna. En það eru margir hjá Liverpool og þeir verða að hugsa um sjálfa sig."
Warnock segir að Cardiff, sem er í 14. sæti ensku úrvalsdeildarinnar, stefni á að styrkja þrjár stöður í janúarglugganum.
Athugasemdir