Frakkland lagði Marokkó að velli í gær, 2-0, en þar skoraði Theo Hernandez fyrra mark leiksins.

Bakvörðurinn fór í viðtal eftir leik þar sem hann sagði það að Frakkar hræddust ekki Lionel Messi sem hefur verið einn besti leikmaður mótsins, og er einn besti fótboltamaður sögunnar ef ekki bara sá allra besti.

„Þetta var erfitt en við erum komnir í úrslitin," sagði Hernandez eftir leik.

„Ég er þreyttur en við þurfum að fara að hugsa um úrslitaleikinn. Messi hræðir okkur ekki. Argentína er með ótrúlegt lið en við höfum nokkra daga núna til að fara vel yfir þá."