Elías Már Ómarsson skoraði þegar NAC Breda tapaði gegn AZ Alkmaaar í hollensku deildinni í kvöld.
Elías sá til þess að Breda var með 1-0 forystu í hálfleik en AZ jafnaði metin þegar stundafjórðungur var til loka venjulegs leiktíma. Sigurmarkið kom síðan í uppbótatíma. Elías spilaði 83. mínútur í kvöld.
Kristian Nökkvi Hlynsson kom inn á sem varamaður undir lok leiksins þegar Ajax vann 3-0 gegn Almere City.
Breda er með 22 stig í 9. sæti eftir 16 umferðir en Ajax er í 2. sæti með 36 stig, sex stigum á eftir toppliði PSV.
Mikael Neville Anderson og félagar í AGF heimsóttu Bröndby í seinni leik liðanna í átta liða úrslitum danska bikarsins í kvöld en AGF vann fyrri leikinn 1-0.
Bröndby snéri taflinu sér í vil en liðið var komið með 3-0 forystu eftir klukkutíma leik og leiknum lauk með 4-2 sigri Bröndby sem fer því áfram í undanúrslitin. MIkael var tekinn af velli á 74. mínútu.
Sverrir Ingi Ingason var besti maður vallarins að mati Flashscore þegar Panathinaikos vann 1-0 sigur á Levadiakos í grísku deildinni. Panathinaikos er í 4. sæti með 29 stig eftir 15 umferðir.
Andri Lucas Guðjohnsen spilaði síðustu tíu mínúturnar þegar Gent gerði 1-1 jafntefli gegn Cercle Brugge í belgísku deildinni. Gent er með 27 stig í 5. sæti eftir 18 umferðir.
Athugasemdir
