Enskir fjölmiðlar segja að Rui Faria, fyrrum aðstoðarmaður Jose Mourinho, sé að gerast aðalþjálfari Al Duhail í Katar.
Faria hætti sem aðstoðarmaður Mourinho hjá Manchester United fyrir þetta tímabil, en Mourinho var rekinn frá United í desember síðastliðnum.
Daily Mail segir í grein sinni að Faria hafi flogið út til Katar í viðræður við félagið.
Al Duhail er ríkjandi meistari í Katar, en félagið hefur verið í þjálfaraleit eftir að Túnismaðurinn Nabil Maaloul var rekinn í síðustu viku.
Faria vann með Mourinho í 17 ár en mun nú fara að berjast við Heimi Hallgrímsson í efstu deild í Katar. Heimir þjálfar þar Al Arabi.
Mourinho er líka á leið til Katar, en þar mun hann sinna störfum sem sérfræðingur í sjónvarpi.
Athugasemdir