Enska úrvalsdeildarfélagið Manchester City er að ganga frá kaupum á króatíska miðjumanninum Ante Palaversa frá Hajduk Split en hann gengur til liðs við félagið í sumar.
Palaversa er 18 ára gamall en hann er að spila sitt fyrsta tímabil með aðalliði Hajduk Split í heimalandinu.
Hann er fyrirliði U19 ára landsliðsins og þykir eitt mesta efnið í Evrópu en Manchester City er að ganga frá kaupum á leikmanninum og gengur hann til liðs við félagið í sumar.
Kaupverðið er 7 milljónir punda og verður hann á láni hjá Hajduk Split út tímabilið.
Palaversa er sagður vera með svipaðan leikstíl og Fernandinho, sem hefur spilað mikilvæga rullu hjá City.
Talið er að Manchester City gangi frá kaupunum á allra næstu dögum.
Athugasemdir