Cristiano Ronaldo vann í kvöld fyrsta titilinn með ítalska meistaraliðinu Juventus en liðið vann AC Milan 1-0 er keppt var um Ofurbikarinn.
Ronaldo gekk til liðs við Juventus frá Real Madrid fyrir tímabilið eftir að hafa verið yfirburðaleikmaður í spænsku úrvalsdeildinni.
Það kom nokkuð á óvart er hann samdi við Juventus en hann er þegar búinn að ná í fyrsat titilinn þó svo það séu rúmir fjórir mánuðir eftir af tímabilinu.
Hann skoraði sigurmarkið á 61. mínútu eftir sendingu Miralem Pjanic í kvöld.
„Ég er ánægður. Það var markmið mitt að byrja árið 2019 með því að ná í bikar. Fyrsti titillinn er núna kominn i hús og ég gæti ekki verið ánægðari," sagði Ronaldo.
Athugasemdir