Jöfnunarmark Bruno Fernandes var ansi umdeilt. Casemiro átti þá sendingu inn fyrir vörn City. Marcus Rashford var í rangstöðu en snerti ekki boltann. Fernandes skaut á markið rétt fyrir utan teig City og endaði boltinn í netinu.

Staðan orðin 1-1 og átti hún eftir að breytast í 2-1 fyrir skömmu síðar sem svo urðu lokatölurnar.

Margir eru á því að Rashford hafi með hlaupi sínu haft áhrif á það hvernig þeir Manuel Akanji, Kyle Walker og jafnvel Ederson vörðust. Dómari leiksins var hins vegar ekki sammála því.

Petr Cech, fyrrum markvörður Chelsea, var á meðal þeirra sem tjáðu sig um markið um helgina.

„Fyrra mark United sannar það að fólkið sem semur reglurnar hefur ekki hundsvit á leiknum sjálfum," skrifar Cech einfaldlega.

Sjá einnig:
Dómarinn tók ákvörðun og ekki um augljós mistök að ræða