ÍA lagði Selfoss að velli með fjórum mörkum gegn tveimur er liðin mættust í æfingaleik í dag.
Selfyssingar komust yfir snemma í leiknum þegar leikmaður númer 18 skoraði eftir atgang í vítateig heimamanna.
Þórður Þorsteinn Þórðarson jafnaði úr vítaspyrnu og kom Jón Gísli Eyland Gíslason heimamönnum yfir og staðan 2-1 í hálfleik.
Hrvoje Tokic jafnaði skömmu eftir leikhlé og var staðan jöfn þar til heimamenn skiptu um gír á lokakaflanum. Mörk frá Hlyni Sævari Jónssyni og Marteini Theodórssyni tryggðu Skagamönnum sigurinn.
Næsti keppnisleikur ÍA er gegn Stjörnunni í Lengjubikarnum þriðjudaginn 26. febrúar. Selfoss á næst leik við Þrótt Vogum á laugardaginn eftir viku.
KH skoraði þá sjö mörk í æfingaleik gegn Mídas í gær. Eyþór Örn Þorvaldsson lék á alls oddi og setti fjögur á meðan Pétur Máni Þorkelsson gerði tvö og Bessi Jóhannsson eitt.
ÍA 4 - 2 Selfoss
0-1 Markaskorara vantar ('9)
1-1 Þórður Þorsteinn Þórðarson ('22, víti)
2-1 Jón Gísli Eyland Gíslason ('29)
2-2 Hrvoje Tokic ('58)
3-2 Hlynur Sævar jónsson ('83)
4-2 Marteinn Theodórsson ('85)
KH 7 - 1 Mídas
Eyþór Örn Þorvaldsson (4)
Pétur Máni Þorkelsson (2)
Bessi Jóhannsson
Athugasemdir