Evrópska knattspyrnusambandið staðfesti þetta á föstudaginn, degi eftir að hafa opnað rannsókn á umtöluðu máli Sergio Ramos sem fékk gult spjald gegn Ajax á miðvikudaginn.

Leikmenn sem fá viljandi gult spjald til að fara í leikbann og endurræsa þannig spjaldafjöldann á bakinu, geta verið settir í lengra bann.

Kondogbia fékk gult spjald fyrir leiktöf er Valencia var 0-2 yfir gegn Celtic á lokamínútum leiksins. Þetta var þriðja spjald Kondogbia í keppninni sem þýðir að hann verður í leikbanni í seinni leiknum gegn Celtic en nær 16-liða úrslitunum ef áfrýjun heppnast.

Kondogbia, sem átti afmæli á föstudaginn, er 26 ára miðjumaður sem hefur leikið fyrir Lens, Sevilla, Mónakó og Inter á ferlinum.