Valur og ÍBV mættust fyrr í dag í Egilshöll en þar voru átta mörk skoruð og Valskonur gerðu sjö þeirra.

Fyrsta mark leiksins kom strax á 5. mínútu en þá varð Guðný Árnadóttir fyrir því óláni að skora sjálfsmark, Margrét Lára jafnaði metin á 37. mínútu og staðan í hálfleik því 1-1.

Í seinni hálfleik voru skoruð sex mörk og Valskonur skoruðu öll þessi mörk en Hlín Eiríksdóttir skoraði tvö mörk strax í upphafi seinni hálfleiks og Guðrún Karítas Sigurðardóttir bætti við fjórða markinu á 52. mínútu og staðan því orðin 4-1.

Bergdís Fanney Einarsdóttir skoraði fimmta mark Vals á 66. mínútu og Dóra María Lárusdóttir skoraði sjötta markið á 86. mínútu. Það var svo Guðrún Karítas Sigurðardóttir sem skoraði annað markið sitt og sjöunda mark Vals í uppbótartíma og gulltryggði þar með sigurinn.

Valskonur eru í toppsæti A-deildar Lengjubikarsins með sex stig eftir tvo leiki en þær sigruðu Stjörnuna í fyrsta leiknum, 0-3.