KA og Valur mættust í Lengjubikarnum fyrr í dag í leik þar sem fjögur mörk voru skoruð og tvö rauð spjöld fóru á loft.

Fyrsta mark leiksins skoraði fyrrum Valsmaðurinn Guðjón Pétur Lýðsson úr vítaspyrnu á 38. mínútu og þetta mark reyndist vera eina mark fyrri hálfleiks.

Seinni hálfleikurinn var heldur tíðinda meiri en tvö rauð spjöld fóru á loft á 9 mínútna kafla í seinni hálfleik, þeir Ólafur Karl Finsen og Kaj Leo í Bartalsstovu fengu rauð spjöld.

KA-menn nýttu sér liðsmuninn og bættu við þremur mörkum eftir þetta, þeir Ólafur Aron Pétursson, Þorri Mar Þórisson og Torfi Tímoteus Gunnarsson skoruðu mörkin þrjú og niðurstaðan því 4-0 sigur KA á Íslandsmeisturum Vals.

Markaskorarar af urslit.net