Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 16. febrúar 2021 20:18
Guðmundur Aðalsteinn Ásgeirsson
Oliver spilaði aftur með aðalliði Norrköping
Ísak Bergmann Jóhannesson og Oliver Stefánsson.
Ísak Bergmann Jóhannesson og Oliver Stefánsson.
Mynd: OS
Oliver Stefánsson byrjaði á bekknum hjá Norrköping þegar liðið gerði 3-3 jafntefli við Elfsborg í æfingaleik í dag. Bæði lið leika í sænsku úrvalsdeildinni.

Oliver kom inn á sem varamaður þegar 20 mínútur voru til leiksloka og kláraði leikinn. Hann spilaði sinn fyrsta leik í langan tíma í síðustu viku í æfingaleik gegn Hammarby.

Ísak Bergmann Jóhannesson og Finnur Tómas Pálmason léku ekki með Norrköping í dag. Þeir hafa báðir verið að glíma við smávægileg meiðsli.

Oliver, sem er 18 ára, hefur átt við mjög erfið meiðsli að stríða og það er mikið gleðiefni að sjá að hann er byrjaður að spila með aðalliði Norrköping. Mjög efnilegur miðvörður þarna á ferðinni.

Norrköping er að fara að verða enn meira Íslendingalið því Jóhannes Kristinn Bjarnason, efnilegur leikmaður KR, og faðir hans, Bjarni Guðjónsson, eru á leið til félagsins. Bjarni mun taka við þjálfun U19 liðs Norrköping.

Sjá einnig:
Oliver lék sinn fyrsta leik í tvö ár - Lítur upp til Jóns Guðna
Athugasemdir
banner
banner