Dagurinn í dag var góður fyrir Íslendingaliðin í rússnesku úrvalsdeildinni.
Fyrr í dag vann CSKA Moskva sigur gegn Ural. Arnór Sigurðsson og Hörður Björgvin Magnússon léku báðir með CSKA í leiknum.
Fyrr í dag vann CSKA Moskva sigur gegn Ural. Arnór Sigurðsson og Hörður Björgvin Magnússon léku báðir með CSKA í leiknum.
Núna var Rostov að vinna 2-0 útisigur á Rubin Kazan. Hinn finnski Roman Eremenko skoraði bæði mörk Rostov þegar lítið var eftir af leiknum.
Ragnar Sigurðsson lék allan leikinn í vörn Rostov og Björn Bergmann Sigurðarson lék 66 mínútur. Báðir eru þeir í íslenska landsliðshópnum fyrir komandi verkefni.
Viðar Örn Kjartansson var ekki með Rostov þar sem hann er að ganga í raðir Hammarby í Svíþjóð.
Eftir þennan sigur er Rostov komið upp fyrir Rubin Kazan í sjötta sæti deildarinnar.
Athugasemdir