Arnór Ingvi í landsleik gegn Rúmenum í fyrra.
Bruce Arena, þjálfari New England Revolution í MLS-deildinni í Bandaríkjunum, er hæstánægður með að félagið hafi náð að kaupa kantmanninn Arnór Ingva Traustason frá Malmö.
Tilkynnt var um félagaskiptin í gær en hinn 27 ára gamli Arnór Ingvi spilar með New England Revolution á komandi tímabili í Bandaríkjunum.
„Arnór er hæfileikaríkur leikmaður sem kemur með mikla reynslu úr landsliði og félagsliði inn í hópinn okkar," sagði Bruce Arena en hann þjálfaði bandaríska landsliðið áður en hann tók við New England Revolution árið 2019.
Tilkynnt var um félagaskiptin í gær en hinn 27 ára gamli Arnór Ingvi spilar með New England Revolution á komandi tímabili í Bandaríkjunum.
„Arnór er hæfileikaríkur leikmaður sem kemur með mikla reynslu úr landsliði og félagsliði inn í hópinn okkar," sagði Bruce Arena en hann þjálfaði bandaríska landsliðið áður en hann tók við New England Revolution árið 2019.
„Við erum spenntir yfrir því að fá hann í liðið og vonumst til að geta komið honum inn í hlutina eins fljótt og hægt er."
Lið New England er áhugavert og komst í undanúrslit í úrslitakeppni MLS í fyrra. Eigandi félagsins er moldríkur en frægasti leikmaður liðsins er líklegast Spánverjinn Carles Gil, fyrrum miðjumaður Valencia og Aston Villa.
Happy to have signed with New England Revolution! Excited to get to work💪🏽⚽️ pic.twitter.com/YuRZ4unLTf
— Arnór Traustason (@NoriTrausta) March 16, 2021
Bruce Arena
Athugasemdir
