Fanndís Friðriksdóttir stefnir á að spila með Val í Pepsi Max-deildinni á nýjan leik í sumar en hún eignaðist sitt fyrsta barn í síðasta mánuði.
Fanndís spilaði fyrstu fjóra leiki Vals í fyrra áður en hún dró sig í hlé.
Fanndís spilaði fyrstu fjóra leiki Vals í fyrra áður en hún dró sig í hlé.
Í gær svaraði Fanndís spurningum á Instagram hjá Heimavellinum.
Þar var hún meðal annars spurð að því hvort hún stefni á endurkomu á fótboltavöllinn í sumar.
„Ég stefni á að spila í sumar. Vonandi heldur áfram að ganga vel að æfa," sagði Fanndís á Instagram.
Hin þrítuga Fanndís hefur skorað 117 mörk í 243 leikjum í efstu deild á ferlinum. Þá hefur hún skorað 17 mörk í 109 landsleikjum.
Athugasemdir
