City vann fyrri leikinn gegn Gladbach 2-0 og var liðið ekki lengi að komast yfir. Kevin De Bruyne skoraði með sannkölluðum þrumufley eftir aðeins tólf mínútuna leik. Riyad Mahrez lagði boltann út á De Bruyne sem tók vinstri fótar skot í slá og inn.

Aðeins sex mínútum síðar var þýski miðjumaðurinn Ilkay Gündogan búinn að bæta við öðru marki. Hann skoraði af stuttu færi eftir sendingu frá Phil Foden. Gündogan verið hreint út sagt magnaður á þessu ári og verið langbesti leikmaður City árið 2021 ásamt líklega Ruben Dias sem hefur verið klettur í vörninni.

Mahrez var nálægt því að bæta við þriðja markinu undir lok leiks en fleiri urðu mörkin ekki. City með yfirburði gegn Gladbach og komið áfram í 8-liða úrslitin.

Á sama tíma vann Real Madrid lið Atalanta 3-1 og samanlagt 4-1 í tveimur leikjum. Karim Benzema kom Madrídingum yfir á 34. mínútu eftir hræðileg mistök frá Marco Sportiello, markverði Atalanta. Markvörðurinn sendi boltann á Luka Modric sem fann Benzema og átti framherjinn í engum vandræðum með að skora.

Sergio Ramos bætti við öðru marki úr vítaspyrnu eftir að Rafael Toloi braut á Vinicius Junior innan teigs. Luis Muriel tókst að minnka muninn fyrir Atalanta með marki úr aukaspyrnu af 25 metra færi á 83. mínútu en aðeins mínútu síðar var Marco Asensio búinn að skora þriðja mark Madrídinga.

Lokatölur 3-1 og Madrídingar í 8-liða úrslit. Það kemur svo í ljós á morgun hvaða tvö síðustu lið fara með þeim þangað en dregið er á föstudag.

Úrslit og markaskorarar:

Manchester City 2 - 0 Borussia M. (Samanlagt 4-0)
1-0 Kevin de Bruyne ('12 )
2-0 Ilkay Gundogan ('18 )

Real Madrid 3 - 1 Atalanta (4-1)
1-0 Karim Benzema ('34 )
2-0 Sergio Ramos ('60 , víti)
2-1 Luis Muriel ('83 )
3-1 Marco Asensio ('84 )