Jordan Pickford verður ekki með Englandi í þeim þremur leikjum sem eru framundan í undankeppni HM. Markvörðurinn á við vöðvameiðsli að stríða.
Pickford er aðalmarkvörður Englands og Everton en hann missir af leikjum gegn San Marínó, Albaníu og Póllandi; fyrstu landsleikjum Englendinga í undankeppninni.
Pickford er aðalmarkvörður Englands og Everton en hann missir af leikjum gegn San Marínó, Albaníu og Póllandi; fyrstu landsleikjum Englendinga í undankeppninni.
Nick Pope, markvörður Burnley, mun væntanlega leysa Pickford af hólmi. Dean Henderson, markvörður Manchester United, verður væntanlega einnig í hópnum og þá gæti Sam Johnstone hjá West Brom verið valinn sem þriðji markvörður.
Pickford verður heldur ekki með Everton þegar liðið mætir Manchester City í 8-liða úrslitum FA-bikarsins á laugardag. Everton vonast til að Robin Olsen varamarkvörður verði klár í þann leik.
Athugasemdir