Paris Saint-Germain er komið áfram í átta-liða úrslit Meistaradeildar kvenna þrátt fyrir að hafa verið dæmt 3-0 tap gegn Sparta Prag frá Tékklandi.
Síðari leikur liðanna átti að fara fram á morgun en honum hefur verið aflýst eftir að þrír leikmenn í herbúðum PSG greindust með kórónuveiruna.
Síðari leikur liðanna átti að fara fram á morgun en honum hefur verið aflýst eftir að þrír leikmenn í herbúðum PSG greindust með kórónuveiruna.
Það þótti best í stöðunni að aflýsa þessum leik. PSG var með 5-0 forystu eftir fyrri leikinn.
PSG mun mæta Íslendingaliði Lyon í næstu umferð. Sara Björk Gunnarsdóttir, landsliðsfyrirliði, leikur með Lyon sem er ríkjandi Evrópumeistari. Þessi tvö lið eiga í harðri baráttu um franska meistaratitilinn en í augnablikinu er PSG með eins stigs forystu á Lyon.
Það eru þrjú Íslendingalið eftir í keppninni; Bayern München, Lyon og Rosengård.
8-liða úrslitin
Chelsea - Wolfsburg
Barcelona - Man City
PSG - Lyon
Bayern München - Rosengard
Undanúrslit
Sparta Prague/PSG/Lyon - Barcelona/Man City
Bayern Munchen/Rosengard - Chelsea/Wolfsburg
Athugasemdir