Thiago Silva og Tammy Abraham verða ekki með Chelsea í Meistaradeildinni annað kvöld.

Silva hefur ekki spilað fyrir Chelsea síðan hann haltraði af velli í fyrri hálfleik í sigri gegn Tottenham þann 4. febrúar. Brasilíski varnarmaðurinn meiddist á læri.

Hann var í leikmannahópnum gegn Everton á dögunum en varð síðan fyrir bakslagi á æfingu.

Abraham er að jafna sig af ökklameiðslum sem hann fékk í sigurleik gegn Newcastle. Tuchel segir að báðir leikmennirnir ættu að verða klárir eftir landsleikjagluggann.