„Það er skammt stórra högga á milli hjá okkur þessa dagana enn bætist okkur gríðarlegur liðsauki nú hefur Arnór Daði Aðalseinsson skrifað undir tveggja ára samning við okkur Framara. En hann er í háskólaskóla í USA og munum við Framara njóta hans krafta á meðan á sumardvöl hérlendis stendur. Það er sannarlega mikið fagnaðar efnin á fá alla þessa uppöldu Framara heim til að styrkja okkar lið," segir í tilkynningu frá Fram.

Arnór Daði sem er fæddur árið 1997 hefur leikið 47 leiki með Fram í meistaraflokki en hann lék sinn fyrsta leik með félaginu sumarið 2015.

Fram mætir Haukum í 3. umferð Inkasso-deildarinnar í kvöld. Arnór hefur ekkert komið við sögu hjá Fram í sumar en hann gæti spilað sinn fyrsta leik í kvöld.