Paul Pogba, miðjumaður Manchester United, er í pílagrímsför til Mekka en þetta er þriðja árið i röð sem hann heimsækir hina heilögu borg múslima eftir að keppnistímabilinu lýkur.
Með Pogba í Sádi-Arabíu er vinur hans, varnarmaðurinn Kurt Zouma hjá Chelsea.
Með Pogba í Sádi-Arabíu er vinur hans, varnarmaðurinn Kurt Zouma hjá Chelsea.
Pogba hefur birt myndir úr ferðinni á Instagram og skrifaði við:
„Gleymum aldrei mikilvægu hlutunum í lífinu"
Múslimar telja Mekka heilaga borg og ætlast er til af þeim að þeir fari í pílagrímsför (hadsjí) í það minnsta einu sinni um ævina, hafi þeir möguleika á því. Á hverju ári koma rúmlega 3 milljónir pílagríma til Mekka.
Pogba verður væntanlega í franska landsliðshópnum fyrir leiki í undankeppni EM í næsta mánuði.
Pogba hefur verið orðaður við Real Madrid og hefur ekki farið leynt með áhuga sinn á að ganga í raðir félagsins.
Athugasemdir