Dómaranefnd KSÍ sendi frá sér yfirlýsingu í dag vegna atviks sem átti sér stað í leik Aftureldingar og Þórs á dögunum.
Elías Ingi Árnason dómari leiksins dæmdi víti á Aftureldingu en dró dóminn til baka.
Lestu um leikinn: Þór 3 - 1 Leiknir R.
Þorlákur Árnason þjálfari Þórs hélt því fram eftir leikinn að Elías hafi hætt við vegna mótmæla leikmanna Aftureldingar.
„Ég veit ekki hvað ég má segja en það er þannig að við förum á dómarafund með formanni dómaranefndar og þar er sagt að það sé strangt tekið á mótmælum leikmanna. Leikmennirnir snúa við þessum dómi með því að mótmæla og mótmæla. Mér fannst þetta vera 50/50 Hann fer klárlega í leikmanninn hann dettur ekki af sjálfum sér. Ég held ég hafi aldrei séð svona atvik," sagði Láki að leik loknum.
Þór er komið í 8 liða úrslit Mjólkurbikarsins eftir sigur á Leikni á Þórsvelli í dag. Hann var spurður út í yfirlýsinguna frá dómaranefndinni eftir leikinn.
„Ég hef eiginlega ekkert um það að segja nema að ég vona að dómaranum gangi rosalega vel í framtíðinni, honum Elíasi. Ég vil ekki tjá mig um þetta mál," sagði Láki.
Sjá einnig:
Sjáðu atvikið umtalaða - „Verðum að fá að heyra hvað gerðist"
Elías Ingi segir mótmælin ekki hafa haft áhrif á sig