Það var mikið um að vera í norska boltanum í dag og nokkrir Íslendingar sem komu við sögu í leikjum dagsins.
Í efstu deild var Kristall Máni Ingason í byrjunarliði Rosenborg sem vann 1-0 sigur á Haugesund, en þetta var aðeins annar sigur liðsins á tímabilinu.
Brynjar Ingi Bjarnason byrjaði í 3-0 tapi Ham-Kam gegn Vålerenga á meðan Birkir Bjarnason og Patrik Sigurður Gunnarsson spiluðu í frábærum endurkomusigri Viking gegn Odd.
Birki Bjarnasyni var skipt inn í hálfleik í stöðunni 0-2 og urðu lokatölur 3-2 eftir frábæran seinni hálfleik.
Ari Leifsson var að lokum ónotaður varamaður hjá Strömsgodset og Hilmir Rafn Mikaelsson meiddur og því ekki í hópi hjá Tromsö.
Í B-deildinni lék Júlíus Magnússon allan leikinn á miðjunni í sigri Fredrikstad gegn KFUM Oslo, sem fleytir liðinu upp í þriðja sæti deildarinnar.
Jónatan Ingi Jónsson og Valdimar Þór Ingimundarson voru í byrjunarliði Sogndal sem lagði Hödd að velli. Sogndal trónir á toppi deildarinnar, með eins stigs forystu eftir átta umferðir.
Arnar Þór Guðjónsson byrjaði að lokum í 3-0 tapi Raufoss gegn Mjondalen.
Rosenborg 1 - 0 Haugesund
Valerenga 3 - 0 Ham-Kam
Viking 3 - 2 Odd
Stromsgodset 1 - 0 Sandefjord
Tromso 2 - 3 Bodo/Glimt
Fredrikstad 1 - 0 KFUM Oslo
Sogndal 1 - 0 Hödd
Mjondalen 3 - 0 Raufoss
Rúnar Alex Rúnarsson átti þá slæman leik er Alanyaspor tapaði heimaleik gegn Konyaspor í tyrknesku deildinni.
Konyaspor vann leikinn 0-3 eftir að hafa aðeins átt fjórar marktilraunir sem hæfðu rammann.
Alanyaspor siglir lygnan sjó um miðja deild, með 38 stig úr 33 leikjum.
Í sænsku B-deildinni gerði Íslendingalið Örebro markalaust jafntefli við Örgryte.
Axel Óskar Andrésson var í byrjunarliðinu og kom Valgeir Valgeirsson inn af bekknum.
Alanyaspor 0 - 3 Konyaspor
Orebro 0 - 0 Orgryte