Everton átti vináttuleik í gær sem félagið sigraði 22-0 en Silva segir að félagið þurfi að bæta við sig leikmönnum.

„Við verðum að gera það. Við höfum okkar skotmörk og við höfum nú þegar ákveðið þær stöður sem við viljum bæta í hópnum okkar,” sagði Silva.

„Við höfum trú á öllum okkar leikmönnum en við munum klárlega gera það og bæta við okkur leikmönnum. Okkar stjórn, stjórnarmeðlimir og íþróttastjórinn eru að gera allt sem þeir geta til þess að gefa mér þá leikmenn sem ég hef beðið um.”

Silva tók við af Sam Allardyce en liðið endaði í 8. sæti ensku úrvalsdeildarinnar á síðasta tímabili.