Mikið var talað um Diego Armando Maradona í kringum leiki argentínska landsliðsins á heimsmeistaramótinu í Rússlandi.
Maradona kom við sögu í mörgum myndböndum í kringum keppnina og virtist oftar en ekki vera í annarlegu ástandi.
Auk þess að hafa verið besti leikmaður heims á sínum tíma vann Maradona sér til frægðar að vera mikið fyrir að fá sér kókaín auk annarra ólöglegra efna og lyfja.
Hann samþykkti samning frá Dynamo Brest í Hvíta-Rússlandi fyrr á árinu, þar sem hann hefur verið ráðinn bæði sem þjálfari og forseti félagsins.
Maradona kom til Hvíta-Rússlands í fyrsta sinn á ævinni fyrr í dag og voru þúsundir stuðningsmanna Brest mættir til að taka á móti honum.
Dynamo Brest endaði í fjórða sæti hvít-rússnesku deildarinnar í fyrra. Liðið er í sjötta sæti deildarinnar á þessu tímabili, með 25 stig eftir 16 umferðir.
Athugasemdir