Aurelio De Laurentiis, eigandi Napoli, segir að félaginu hafi boðist að kaupa Cristiano Ronaldo af Real Madrid í sumar.
Ronaldo var keyptur til Juventus á rúmlega 100 milljónir evra. Umboðsmaður hans, Jorge Mendes, talaði þó ekki aðeins við Ítalíumeistarana margfalda.
„Okkur var boðið að kaupa Ronaldo. Jorge Mendes hringdi í mig og við undirbjuggum tilboð fyrir hann í sameiningu," sagði De Laurentiis við La Repubblica.
„Við gátum einfaldlega ekki keppt við tilboðið frá Juventus, sem er að leggja 350 milljónir evra í þetta verkefni. Við hefðum farið í gjaldþrot."
Napoli endaði í öðru sæti ítölsku deildarinnar í vor, fjórum stigum eftir Juventus sem vann sjöunda árið í röð.
Athugasemdir