Maddison og Chilwell eru algjörir lykilmenn í liði Leicester og eftirsóttir af stærstu félögum enska boltans. Maddison er að glíma við meiðsli á læri og hefur aðeins komið við sögu í þremur leikjum eftir Covid hlé. Chilwell meiddist á ökkla gegn Crystal Palace í byrjun júlí.

Meiðslin eru ekki talin alvarleg, þó nógu slæm til að halda þeim frá út mánuðinn.

Meiðsli Christian Fuchs eru þó alvarlegri og gæti hann verið frá í þrjá mánuði.

Leicester er í fjórða sæti úrvalsdeildarinnar sem stendur, þremur stigum fyrir ofan Manchester United sem getur jafnað liðið á stigum með sigri gegn Crystal Palace.