Arthur, leikmaður Juventus, mun missa af byrjun næsta tímabils vegna meiðsla en þetta var staðfest í gær.
Arthur verður frá keppni í allavega tvo mánuði en hann er að glíma við hnémeiðsli.
Þessi 24 ára gamli leikmaður meiddist á hné í desember 2020 og þarf nú að fara í aðgerð til að ná fullum bata.
Hann hefur tekið þátt í leikjum þrátt fyrir þrálát meiðsli og mun nú fara í aðgerð til að losna við þau fyrir fullt og allt.
Arthur spilaði 32 leiki fyrir Juventus á síðustu leiktíð en hann kom til félagsins frá Barcelona fyrir tímabilið. Miralem Pjanic fór til spænska félagsins á móti.
Búist er við að Arthur snúi aftur í september og gæti náð fyrstu leikjum Meistaradeildarinnar sem hefjast um miðjan mánuðinn.
Athugasemdir