Van de Beek kom til Man Utd frá Ajax á síðasta ári en stóðst ekki væntingar á sinni fyrstu leiktíð á Englandi.

Arsenal hefur verið orðað við leikmanninn en það er ekkert til í því að hann sé á leið þangað að sögn Romano sem þekkir félagaskiptamál inn og út.

„Van de Beek hefur alltaf komið fram sem atvinnumaður hjá Manchester United. Hann einbeitir sér að liðinu," sagði Romano.

„Hann er frábær náungi og Manchester United elskar hann. Þetta er 50/50 staða. Hann á möguleika á að fara ef gott tilboð berst en hann er einnig með möguleika á að vera áfram."

„Hann verður ekki hluti af kaupverði á Raphael Varane. Það er ekki eitthvað sem er verið að ræða."

„Sögusagnirnar um Arsenal eru ósannar. Hann er ekki að fara þangað. Við skulum sjá hvort lið í annarri deild reyni við hann."