Branthwaite er mættur til Hollands og mun gangast undir læknisskoðun um helgina
Enski varnarmaðurinn Jarrad Branthwaite er að ganga í raðir PSV á láni frá Everton en þetta staðfestir hollenska félagið á heimasíðu sinni í dag.
Branthwaite er tvítugur og spilar stöðu miðvarðar en hann var á láni hjá Blackburn Rovers á síðustu leiktíð.
Hann er nú á leið í ævintýri til Hollands en viðræður Everton og PSV eru á lokastigi.
Leikmaðurinn er mættur til Hollands og fer í læknisskoðun hjá félaginu um helgina áður en hann verður kynntur.
Branthwaite hefur spilað 13 leiki fyrir Everton og gert eitt mark.
Athugasemdir
