Keflavík fór létt með liðið í þriðja sæti, ÍA, í kvöld í leik sem fram fór á Akranesi. Hin efnilega Sveindís Jane Jónsdóttir fór fyrir sínu liði í öruggum 5-1 sigri. Sveindís skoraði þrennu.

Keflavík er á toppi deildarinnar og hefur aðeins tapað einum leik í sumar. Sá tapleikur kom gegn Fylki í síðasta leik.

Fylkir valtaði yfir Hauka 4-0 í Árbænum í kvöld, á gervigrasinu á Floridana-vellinum.

Keflavík hefur leikið 13 leiki og er með 34 stig, en Fylkir hefur leikið 12 leiki og er með 33 stig. ÍA og Haukar hafa leikið 14 leiki. ÍA er með 28 stig og Haukar hafa 22 stig í fjórða sæti þannig að útlit er fyrir það að Keflavík og Fylkir séu á leiðinni upp.

ÍA 1 - 5 Keflavík
0-1 Sveindís Jane Jónsdóttir ('15)
1-1 Unnur Ýr Haraldsdóttir ('37)
1-2 Sophie Groff ('41)
1-3 Sveindís Jane Jónsdóttir ('78)
1-4 Sveindís Jane Jónsdóttir ('81)
1-5 Kristrún Ýr Hólm ('90)

Fylkir 4 - 0 Haukar
1-0 Margrét Björg Ástvaldsdóttir ('9)
2-0 Ída Marín Hermannsdóttir ('22)
3-0 Margrét Björg Ástvaldsdóttir ('39)
4-0 Marija Radojicic ('64)

Markaskorarar af urslit.net