Valur var hársbreidd frá því að komast í áfram í forkeppni Evrópudeildarinnar í kvöld.
Íslandsmeistararnir féllu úr leik gegn Sheriff frá Moldavíu. Útivallarmörk réðu úrslitum.
Íslandsmeistararnir féllu úr leik gegn Sheriff frá Moldavíu. Útivallarmörk réðu úrslitum.
Valur komst yfir þegar fyrirliðinn Haukur Páll Sigurðsson skoraði undir lok fyrri hálfleiksins. Sheriff jafnaði svo þegar rúmar 20 mínútur voru eftir og þurfti Valur því á tveimur mörkum að halda eftir 1-0 tap í fyrri leiknum ytra.
Varamaðurinn Kristinn Ingi Halldórsson skoraði á 90. mínútu, 2-1, og í næstu sókn gerðist þetta:
„Eiður Aron er hér í dauðafæri en Sheriff bjargar á línu. Í kjölfar næstu hornspyrnu nær Birkir Már skalla í slánna og svo ver Pasceno vel frá Birki sem náði frákastinu. Þetta var ótrúlegt," skrifaði Kristófer Jónsson í beinni textalýsingu.
Grátlegt fyrir Val en hér að neðan má sjá á myndbandi hversu nálægt Valsmenn komust því að skora.
Fyrst vonbrigðin í Þrándheimi þar sem Valur féll úr leik í Meistaradeildinni gegn Rosenborg eftir arfaslaka frammistöðu hjá búlgörskum dómara og svo þetta:
#Valur #Sheriff #EuropaLeague Что за день сегодня Лиги Европы, с линии ворот никто забить не может ни с какой попытки. Здесь этот гол на последних секундах выводил бы Валюр в следующий раунд pic.twitter.com/jU825XEdS7
— Ставки, вино и футбол (@stavkiinfo) August 16, 2018
Þetta er gjörsamlega bilað. Hvernig fór boltinn ekki inn 😭🤬 https://t.co/gvfEzDRbAB
— Einar Óli (@einar_oli) August 16, 2018
Athugasemdir