Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   sun 16. september 2018 13:05
Guðmundur Aðalsteinn Ásgeirsson
Albert maður leiksins - „Annar þeirra skoraði í dag"
Albert fagnar hér marki sínu.
Albert fagnar hér marki sínu.
Mynd: Getty Images
Albert Guðmundsson skoraði sitt fyrsta mark fyrir AZ Alkmaar þegar liðið mætti Feyenoord í hollensku úrvalsdeildinni í dag.

Albert kom AZ yfir eftir aðeins fimm mínútna leik en markið dugði ekki til sigurs þar sem Steven Berghuis jafnaði fyrir gestina í Feyenoord stuttu fyrir leikhlé.

Albert kom til AZ frá PSV Eindhoven í sumar en hann var að spila sinn fyrsta byrjunarliðsleik fyrir AZ í hollensku úrvalsdeildinni. Hann þakkaði traustið með marki.

Leikurinn endaði með 1-1 jafntefli. Albert og félagar í AZ eru með átta stig í fjórða sæti en Feyenoord er í þriðja sæti með 10 stig.

Albert var maður leiksins hjá AZ Alkmaar en faðir Alberts, íþróttafréttamaðurinn Guðmundur Benediktsson birti frábæra mynd eftir leikinn í dag. Myndin er gömul en á henni er Albert með Robin van Persie, sóknarmanni Feyenoord. Van Persie er fyrrum sóknarmaður Arsenal og Manchester United en hann spilar í dag með félaginu þar sem hann hóf ferilinn, Feyenoord.

Við myndina skrifar Gummi: „Þessir mættust í dag, annar þeirra skoraði."





Athugasemdir
banner
banner
banner
banner