Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   sun 16. september 2018 11:50
Guðmundur Aðalsteinn Ásgeirsson
Allt í lagi með Firmino eftir hræðilegt augnapot frá Vertonghen
Mynd: Getty Images
Roberto Firmino átti fínan leik þegar Liverpool sigraði Tottenham í ensku úrvalsdeildinni í gær.

Firmino skoraði seinna mark Liverpool en það reyndist markið sem skildi liðin að. Leikurinn endaði með 2-1 sigri Liverpool.

Eftir leikinn birtust myndir á samfélagsmiðlum sem eru ekki fyrir viðkvæma en þar sést Jan Vertonghen, varnarmaður Tottenham, pota allsvakalega í augað á Firmino.

Firmino gat ekki klárað leikinn og þurfti að sækja sér aðstoðar á spítala að honum loknum.

Brasilíumaðurinn greindi frá því á Instagram að það væri allt í lagi með augað en hvort hann verði klár í slaginn gegn Paris Saint-Germain í Meistaradeildinni á þriðjudag á eftir að koma í ljós.

Ef þú vilt sjá myndir af því þegar Vertonghen potaði í auga Firmino, smelltu þá hér en við vörum við því að þetta er ekki fyrir viðkvæma.


Athugasemdir
banner
banner
banner