Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   sun 16. september 2018 17:16
Guðmundur Aðalsteinn Ásgeirsson
Völsungur fær annan leik við Hugin eftir klúður dómara
Freyþór Hrafn (til vinstri) fékk ranglega að líta rauða spjaldið í umræddum leik.
Freyþór Hrafn (til vinstri) fékk ranglega að líta rauða spjaldið í umræddum leik.
Mynd: Fótbolti.net - Sævar Geir Sigurjónsson
Það er ekki öll von úti hjá Völsungi í 2. deild karla þar sem liðið fær að leika endurtekinn leik við Huginn í deildinni. Ástæðan eru mistök við skýrslugerð eftir dómaramistök.

KSÍ opinberaði þetta rétt í þessu.

Í yfirlýsingu KSÍ segir:
Áfrýjunardómstóll KSÍ hefur tekið fyrir mál nr. 3/2018, Knattspyrnudeild Völsungs gegn Aga- og úrskurðarnefnd KSÍ.

Leikur Hugins Seyðisfirði og Völsungs Húsavík í 2. deild sem leikinn var 17. ágúst 2018 á Seyðisfjarðarvelli er ógildur og skal endurtaka hann á Seyðisfjarðarvelli.

Smelltu hér til að lesa nánar um dóminn.

Ekki er búið að gefa út nýjan leiktíma en þetta gefur Völsungi líflínu á að komast upp í Inkasso-deildina. Ef liðið vinnur endurtekinn leik sinn við Huginn fer liðið upp í 40 stig, tveimur stigum frá Gróttu og Aftureldingu sem eru í tveimur efstu sætunum. Völsungur spilar við Tindastól á útivelli í lokaumferðinni, en ljóst er að Afturelding og Grótta eru í kjörstöðu.

Af hverju verður leikurinn endurtekinn?
Völsungur tapaði fyrir Hugin 17. ágúst síðastliðinn. Í leiknum gaf Helgi Ólafsson, dómari leiksins, leikmanni Völsungs gula spjaldið og hélt hann að leikmaðurinn væri þegar kominn með gult og gaf því ranglega rauða spjaldið. Helgi fattaði mistökin eftirá og skráði spjaldið ekki í skýrslu.

Völsungur kærði framkvæmd leiksins þar sem félagið taldi að skýrslan hafi verið fölsuð.

Völsungur gaf frá sér tvær yfirlýsingar eftir leikinn. Til að lesa þá fyrri smelltu hér, til að lesa þá seinni smelltu hér. Í seinni yfirlýsingunni segist Völsungur hafa fengið hótanir frá KSÍ.
Athugasemdir
banner
banner
banner
banner