banner
   mið 16. september 2020 21:09
Sæbjörn Þór Þórbergsson Steinke
Deildabikarinn: Southampton og Leeds úr leik - Gylfi með mark og stoðsendingu
Gylfi og Anthony Gordon.
Gylfi og Anthony Gordon.
Mynd: Getty Images
Fimm leikjum af sex leikjum dagsins er lokið í enska deildabikarnum. WBA lagði Harrogate fyrr í dag og Fulham vann útisigur á Ipswich í öðrum leik kvöldsins. Serbneska markavélin Aleksandar Mitrovic skoraði eina mark leiksins. Leiki næstu umferðar má sjá neðst í fréttinni, 2. umferð klárast á morgun.

Bristol City valtaði yfir Northampton og Brentford vann óvæntan 0-2 útisigur á úrvalsdeildarliði Southampton. Heimamenn tefldu fram sterku liði sem gerir úrslitin enn óvæntari.

Í einni viðureigninni þurfti að grípa til vítaspyrnukeppni. Hull leiddi í tæpar 90 mínútur gegn Leeds en heimamönnum í Leeds tókst að jafna með marki frá Ezgjan Alioski á 93. mínútu. Vítaspyrnukeppnin fór 8-9 fyrir gestina frá Hull sem mætir West Ham í næstu umferð.

Í lokaleik kvöldsins tók Everton á móti Salford. Gylfi Þór Sigurðsson var í byrjunarliði Everton, tíu breytingar voru á liðinu frá leiknum gegn Spurs í deildinni. Gylfi lagði upp fyrsta mark leiksins með góðri hornspyrnu sem Michael Keane skallaði í netið. Gylfi skoraði svo sjálfur mark á 74. mínútu eftir að hann stýrði fyrirgjöf Anthony Gordon í netið. Ítalinn Moise Kean skoraði svo lokamark leiksins úr vítaspyrnu á 87. mínútu. Everton mætir Fleetwood Town í næstu umferð sem fram fer í næstu viku.

Bristol City 4 - 0 Northampton
1-0 Chris Martin ('43 )
2-0 Kasey Palmer ('49 )
3-0 Antoine Semenyo ('82 )
4-0 Kasey Palmer ('88 )

Ipswich Town 0 - 1 Fulham
0-1 Aleksandar Mitrovic ('38 )

Leeds 1 - 1 Hull City*
0-1 Mallik Wilks ('5 )
1-1 Ezgjan Alioski ('90+3)
Hull vann 8-9 í vítaspyrnukeppni

Southampton 0 - 2 Brentford
0-1 Christian Norgaard ('40 )
0-2 Joshua Da Silva ('45 )

Everton 3 - 0 Salford City
1-0 Michael Keane ('8 )
2-0 Gylfi Sigurdsson ('74 )
3-0 Moise Kean ('87, víti)

Drátturinn í 3. umferð (spilað í næstu viku):
West Ham - Hull
Leyton Orient - Tottenham
Fleetwood - Everton
Newport - Watford
WBA - Brentford
Leicester - Arsenal
Wolves eða Stoke - Gillingham
Chelsea - Barnsley
Milwall - Burnley eða Sheffield United
Manchester City - Bournemouth
Preston - Brighton eða Portsmouth
Luton - Manchester United
Morecambe - Newcastle
Bristol City - Aston Villa
Lincoln - Liverpool
Fulham - Sheffield Wednesday
Athugasemdir
banner
banner
banner