Mynd: Fótbolti.net - Hafliði Breiðfjörð

Þórir Jóhann Helgason sat allan tíman á varamannabekk Lecce sem heimsótti Salernitana í ítölsku deildinni í kvöld. Lecce var með þrjú stig eftir fyrstu fimm leikina fyrir leikinn í kvöld.

Lecce var marki yfir í hálfleik en Salernitana jafnaði metin senmma í síðari hálfleik. Það var hins vegar Gabriel Strefezza sem tryggði Lecce sitign þrjú með glæsilegu skoti fyrir utan vítateiginn undir lok leiksins.

Það brutust út mikil fagnaðarlæti þegar hann skoraði enda var fyrsti sigur liðsins í efstu deild á þessari leiktíð í uppsiglingu.

Þórir Jóhann hefur verið inn og út úr liðinu að undanförnu en hann spilaði aðeins fyrri hálfleikinn í síðasta leik í jafntefli gegn Monza.