Heimild: Sky Sports
Michael O'Neill segir það ekki trufla sig að vera í tveimur störfum.
O'Neill er landsliðsþjálfari Norður-Írlands, en hann var tilkynntur sem nýr stjóri Stoke í Championship-deildinni á Englandi í síðustu viku.
O'Neill hefur verið landsliðsþjálfari Norður-Írlands frá 2011 ár en hann fór með liðið á EM 2016. O'Neill klárar undankeppni EM með Norður-Írum og stýrir liðinu einnig í mögulegum umspilsleikjum um sæti á EM í mars.
Norður-Írland mætir Hollandi í mikilvægum leik síðar í dag, en O'Neill var spurður að því í gær hvort það væri ekki erfitt að vera í tveimur störfum í einu.
„Ég er enn landsliðsþjálfari. Hjá Stoke erum við með 12 eða 13 leikmenn í landsliðsverkefnum og þeir leikmenn eru í burtu líka."
„Ég er með gott teymi á bak við mig og þegar ég kem aftur til Stoke í næstu viku munum við hafa þrjá góða daga til að undirbúa næsta leik."
„Það er svipaður tími og ég þegar ég kem í landsliðsverkefnin, þannig að það truflar mig ekki neitt."
Athugasemdir